How to reduce stress

 វិធីកាត់បន្ថយStress មានដូចតទៅ:

១.ការធ្វើលំហាត់ប្រាណ៖ការហាត់ប្រាណធ្វើបញ្ចេញជាតិពុលក្នុងសារពាង្គកាយហើយការហាត់ប្រាណធ្វើឲ្យយើងអាចរំសាយអារម្មណ៍ដែលមានភាពតានតឹងចេញទៅខាងក្រៅ។

២.ការធ្វើសមាធិ៖ នៅពេលដែល​អ្នកមាន​អារម្មណ៍មិនល្អ​ឬ​តានតឹង​ក្នុង​ចិត្ត អ្នក​គួរតែ​ធ្វើ​សមាធិ​ឲ្យបាន១០ទៅ១៥នាទី។ ការធ្វើ​សមា​ធី គឺ​អាចជួយ​កាត់បន្ថយ​ភាព​តានតឹង​បាន​ច្រើន ព្រោះ​ធ្វើ​ឲ្យ​អ្នកមាន​អារម្មណ៍​ស្រស់ស្រាយ និង​ធូរស្បើយ​ទៅតាម​ការដក​ដង្ហើមចេញ​ដកដង្ហើម​ចូល​នៅពេល​ធ្វើ​សមាធិ។

៣.លេងកីឡា៖ ការលេងកីឡាជាវិធីសាស្ត្រមួយផងដែរ ដែលធ្វើឲ្យអ្នកបំភ្លេចនូវទុក្ខកង្វល់នៅក្នុងចិត្តព្រោះអ្នកគិតតែពីការសប្បាយ និងគិតតែខំប្រកួត។ ម្យ៉ាងទៀត អ្នកអាចបញ្ចេញញើស និងកំហឹងនៅក្នុងចិត្តបានទៀតផង។ បន្ទាប់ពីលេងកីឡាហើយងូតទឹកសម្អាតប្រាណរួច នោះអ្នកនឹងមានអារម្មណ៍ល្អ និងធូរស្បើយនៅក្នុងចិត្ត។

៤.ការច្រៀងចម្រៀង៖ ការបញ្ចេញភាពតានតឹងឬអារម្មណ៍មិនល្អតាមរយៈការច្រៀងចម្រៀង ក៏ជាវិធីល្អម្យ៉ាងដែរ។ អ្នកត្រូវច្រៀងចម្រៀងណាដែលអាចធ្វើឲ្យអ្នកបំបាត់នូវទុក្ខកង្វល់ក្នុងចិត្តអ្នកបាន ដូចជាបទលើកទឹកចិត្តខ្លួនឯង និងបទណាដែលអាចស្រែកបានខ្លាំងៗតាមចង្វាក់ភ្លេង។ វិធីនេះនឹងធ្វើឲ្យអ្នកមានអារម្មណ៍ធូរស្បើយ ព្រោះអ្នកបានបញ្ចេញអារម្មណ៍មិនល្អនិងទុក្ខកង្វល់ទៅតាមចង្វាក់ភ្លេង។

៥.ការគេង៖ការគេងគឺជាវិធីសាស្រ្តមួយដ៏ល្អដែលធ្វើឲ្យអ្នកបំភ្លេចនូវទុក្ខកង្វល់នៅក្នុងចិត្ត។នៅពេលយើងភ្ញាក់ពីគេងធ្វើឲ្យយើងមានអារម្មណ៍ស្រស់ស្រាយរួចហើយគិតអំពីរឿងដែលល្អ។